Cancer Causes and Prevention in Hindi

Cancer Causes and Prevention in Hindi

 

Cancer Causes and Prevention in Hindi

Hello dosto, kaise hai aap sabhi log, umeed karta hu aap sab achhe se honge. Aaj hum aap se cancer ke lakshan, upachar aur roktham ki jankari share karege. To aaj hum jante hai Cancer Causes and Prevention in Hindi….

Cancer puri duniya mein ek janleva bimari hai. Cancer ke mareej (patient) jaldi thik nahi hote hai kyoki cancer ke lakshanon ka pata der se chalta hai aur jab inke lakshan ka pata chalta hai tab tak bahut der ho chuki hoti hai. Cancer ki koshikavon (cells) ke lagatar teji se badhne ke karan yah rog vikshit hota hai. Jab ye koshikaye aniyantrit hokar shareer mein failkar (straddle) bat jati hai to yah shareer ke liye bahut hi hanikarak ho jata hai. Jisse shareer mein ubhar ya ganth ke roop mein dikhayi dene lagta hai, jise hum tumor bhi kahte hai. Cancer ke karan humare shareer mein parisancharan tantra, pachan tantra (digestive system) aur nervous system ko prabhavit kar deta hai. Jiske karan shareer ke ango ka sanchalan prabhavit hota hai aur kayi tarah ki pareshaniya ho sakti hai.

Causes of cancer in Hindi :

Cancer hone ke kayi karan ho sakte hai jo iss prakar hai…

Cancer due to Infection :

Cancer ka khatra vibhina prakar ke sankraman ki vajah se ho sakta hai. Aaj puri duniya mein lagbhag 18 % logo ko sankraman ki vajah se cancer ka shikar hona padta hai. Inmein sukshm jiv (microbe) aur bacteria se hone vala sankraman pramukh hai. Iske atirikt vanshanugat (hereditary), hormone aur shareerik samasya ke karan cancer rog ki sambhavna hoti hai.

Due to Activeness and wrong diet :

Aap agar shareerik parishram, vayam aur jyada chalna phirna aadi se door rahte hai to yah samasya aapke sath ho sakti hai. Yadi aap apne khan-paan par dhyan nahi dete hai to bhi iss rog ke shikar ho sakte hai. Aap bhojan ke sath yadi sahi matra mein poshak tatav nahi lete hai, jisse shareer ke vikas aur pratirodhak chhamta par bura asar hota hai. Isliye humein hari sabjiyon, daal, fruits, aur anaaj aadi ke sevan par dhyan dena chahiye. Yadi aap red meet ka sevan adhik karte hai to bhi cancer ka khatra hota hai. Isliye red meet ka sevan adhik nahi karna chahiye.

Cancer due to chemicals in hindi :

Aap yadi rasayanik vastuvon ka jyada upyog karte hai, to un vastuvon mein hanikarak chemicals paye jate hai. Lekin bahut log tambaku ka sevan karte hai jo phephado (lungs) mein cancer ka main karan hai aur bahut se log electronic cigarette ka upyog karte hai aur sochte hai ki isse cancer ka khatra kam hota hai. Lekin yah sochna bilkul galat hai kyoki electronic cigarette formaldehyde chemical ko utsarjit karte hai. Jo humare shareer ke liye bahut hanikarak hai.

Prevention of cancer :

Cancer se bachne ke liye sabse pahle tambaku ka sevan band kar dena chahiye. Iss rog se bachne ke liye sabhi ko poshak tatvo se bharpoor aahar lena chahiye. Iske liye sabjiya, fruits aur anaaj ka sevan karna chahiye. Yadi aap alcohol ka sevan karte hai to iski matra ko kam kar lena chahiye, ya ho sake to aap alcohal ka sevan band kar de. Iss rog se bachne liye aap adhik mans (meat) ka sevan na kare kyoki cancer ka ek karan ye bhi ho sakta hai. Iss rog se bachne ke liye sabse achha upay hai shareerik parishram, vayam, aur exercise. Jisse cancer hone ki sambhavna bahut kam hoti hai.

Ummed karta hu mere dwara di gayi Cancer Causes and Prevention in Hindi aap ko jaroor pasand aaya hoga,  jisse aap apne bachav ke liye fallow kar sakte hai. Aur iss post ko aap apne friends groups aur social networking site jaise Facebook, twitter, google +, what’s up aadi par like aur share kar sakte hai. Iss post se jude koi bhi sawal ya sujhav ke liye comment karna na bhule.

Leave a Reply

Your email address will not be published. Required fields are marked *