Interesting Facts about Himalaya in Hindi

Interesting Facts about Himalaya in Hindi

Interesting Facts about Himalaya in Hindi

Hello dosto, aaj hum jante hai bharat ke uttar (north) mein isthit Himalaya parvat (mountain) ke kuch rochak tathya aur mystery ko, to pahle hum yah jante hai ki, Himalaya sanskrit ke do sabdo Him aur Alaya se milkar bana hai, jiska shabdik arth barf (ice) ka ghar hota hai. Himalaya se prarambh hokar Indu sarovar (Hind Mahasagar) tak yah dev nirmit desh Hindustan kahlata hai, jise bharat ka taj kaha jata hai. Hindu shabd ki utpati ka mool bhi Himalaya hi hai. Himalaya ke vaise to kayi tathya hai lekin kuch Interesting facts about Himalaya in hindi mein jante hai.

  1. Bharat ke Jammu and Kashmir, Siachin, Uttarakhand, Himanchal, Sikkim, Assam, Arunanchal Pradesh tak Himalaya faila hai. Ye sabhi rajya Himalaya ki god mein hai. Iske shiva Tibbat, north Pakistan, north Afghanistan, Bhutan, Nepal desh Himalaya ke hi hisse hai.
  2. Himalaya ek parvat nahi hai balki yah parvat shrinkhalavon se bana hai. Yah bharatiya upmahadveep ko Tibbat aur madhya Asia se alag karta hai.
  3. Himalaya Sanskrit ke do shabd Him aur Alaya se bana hai, jiska shabdik arth barf (ice) ka ghar hota hai.
  4. Himalaya ke iss shrinkhala ki utpatti aaj se lagbhag 70 million saal pahle bharat-astro ki pleto ke Asiyayi pleto mein takrane ki vajah se huyi hai.
  5. Vishva ki kayi unchi parvat chotiya Himalaya mein hi isthit hai aur duniya ka sabse uncha parvat Mount Everest Himalaya ka hi ek shikhar hai.
  6. Bhartiya upmahadveep 20 milimeter prati varsh Himalaya ki vajha se Asia ki taraf badh raha hai.
  7. Himalaya parvat 3 hisso mein banta hai, pahla madhya Himalaya, Mahan (great) Himalaya aur Shivalic jismein 100 se jyada parvat shrinkhalaye hai.
  8. Asia aur bhartiya upmahadveep ki pleto ke pass aane se iss parvat ki unchayi 5 milimeter prati varsh badh rahi hai.
  9. Himalaya ke andar kuch dharmik sthal bhi hai jaise Haridwar, Badrinath, Dev prayag, Rishikesh, Rudra prayag, Kailashnath, Mansarovar, Amarnath pramukh hai.
  10. Iss parvat ka sabse lamba Gleshiyar, Siachin Gleshiyar hai jo 76 kilometer mein faila hua hai.
  11. Himalaya 2500 kilometer aur 612,021 square area mein faila hua hai. Jise hindu dharm mein Giri-raaj ke name se jana jata hai.
  12. Himalaya parvat ki sabse unchi choti Mount Everest jiski unachayi 8848 meter hai jo Nepal-Tibbat border par isthit hai. Yah pure varsh barf se dhaka hua rahta hai.
  13. Antarctica aur Arctic ke bad Himalaya teesri yesi jagah hai jaha sabse jyada ice payi jati hai. 
  14. Kashmir iss parvat ki sabse badi ghati hai jise dharti ka swarg kaha jata hai kyoki yaha kayi parakar ke phool aur jal-srot (water source) bhi hai.
  15. Yaha par ugane vale paudhe (tree) aur jiv-jantu (fauna) ki jalvayu versha, unchayi aur mitti ke anushar badalti hai. 
  16. Yaha mrityu dar lagbhag 9% hai ab tak lagbhag 150 log abhiyano ke samay apni jan gava cuke hai.
  17. Himalaya parvat se nikalne vali nadiya bhi is parvat se purani hai.
  18. Iss parvat ka mahatva ass-pass ke desh hi nahi balki pure vishva ke liye mahatvapurn hai. Yah prithvi ka sabse bada himadri area hai jo jalvayu ko prabhavit karta hai.

Asha karta hu mere dwara di gay Interesting Facts about Himalaya in Hindi aapko pasand aaya hoga, jisse aap apne friends group aur social networkig site jaise Facebook, twitter, google+ aadi par share kar sakte hai. Iss post se jude koi bhi saval ya sujhav hai to niche comment box mein jaroor bataye.

Leave a Reply

Your email address will not be published. Required fields are marked *